Ndoshta mund të mendohet se “ABBA” nuk mund të ketë më rekorde për të thyer, por është e gabuar, pasi grupi legjendar suedez nuk ndalet kurrë.

“Gold”, albumi me përmbledhjet e këngëve të suksesshme, i dalë fillimisht në vitin 1992, ka kaluar 900 javë në “Official Albums Chart”, në Britani, duke u bërë albumi më jetëgjatë i të gjitha kohërave në klasifikimin Top 100.

“Gold” përmban 9 këngë të “ABBA” që kanë qenë numri një në klasifikimin e këngëve në Angli; Waterloo, Mamma Mia, Fernando, Dancing Queen, Knowing Me Knowing You, Take a Chance on Me, The Winner Takes it All dhe Super Trouper.